പശ്ചിമേഷ്യയിലെ സംഘർഷാവസ്ഥയും സുരക്ഷാ ആശങ്കകളും കണക്കിലെടുത്ത് സൗദി അറേബ്യയിലെ നാല് പ്രധാന നഗരങ്ങളിലേക്കും തിരിച്ചുമുള്ള വിമാന സർവീസുകൾ നിർത്തിവച്ചത് ഇൻഡിഗോ നീട്ടി. ജിദ്ദ, മദീന, റിയാദ്, ദമാം എന്നിവിടങ്ങളിലേക്കുള്ള സർവീസുകൾ പുനഃസ്ഥാപിക്കുന്നതാണ് കമ്പനി വൈകിപ്പിച്ചത്.
വ്യോമയാന കമ്പനി പുറത്തിറക്കിയ പുതിയ യാത്രാ അറിയിപ്പ് പ്രകാരം ജിദ്ദ, മദീന നഗരങ്ങളിലേക്കും തിരിച്ചുമുള്ള വിമാന സർവീസുകൾ നവംബർ 21 വരെ ഉണ്ടാകില്ല. റിയാദ്, ദമാം നഗരങ്ങളിലേക്കുള്ള സർവീസുകൾ നവംബർ 30 വരെയും നിർത്തിവച്ചതായി അധികൃതർ വ്യക്തമാക്കി.
