ദുബായ്: പ്രവാസി മലയാളി ദുബായില്‍ അന്തരിച്ചു. അടൂർ മംഗലശ്ശേരില്‍ സാജു അലക്സ് ആണ് മരിച്ചത്. നവംബ‍ർ എട്ടിന് രാത്രി ജോലി കഴിഞ്ഞ് വീട്ടില്‍ വന്ന ശേഷം നെഞ്ച് വേദനയും ശാരീരിക അസ്വസ്ഥതയും അനുഭവപ്പെടുകയായിരുന്നു.
തുട‍ർന്ന് ആശുപത്രിയിലേക്ക് കാറില്‍ കൊണ്ടു പോകുന്ന വഴി ഹൃദയാഘാതത്തെ തുടർന്നാണ് മരണം സംഭവിച്ചത്.
ഞായറാഴ്ച രാവിലെ കമ്പനി ആവശ്യങ്ങള്‍ക്കായി സ്വിറ്റ്സർലൻഡിലേക്ക് പോകാനിരിക്കെയായിരുന്നു മരണം.
ദുബായ് ഐക്കിയയില്‍ സീനിയർ ജീവനക്കാരനായിരുന്നു. ഭാര്യ: സ്വപ്ന. മംഗലശേരില്‍ പരേതനായ അലക്സിന്റെയും ലീലാമ്മയുടെയും മകനാണ്.
