അബുദാബി: കാസര്ഗോഡ് ഉപ്പള സ്വദേശി അബുദാബിയില് മരണപ്പെട്ടു. ഖലീഫ സിറ്റിയില് എയര്പോര്ട്ട് റോഡരികിലെ സൂപ്പര് മാര്ക്കറ്റില് ജോലി ചെയ്യുന്ന ഉപ്പള ഹിദായത്ത് നഗറിലെ മുഹമ്മദ് റഫീക്കാണ് (28)മരണപ്പെട്ടത്.
താമസ സ്ഥലത്ത് അവശ നിലയില് കാണപ്പെട്ട റഫീക്കിനെ എന്എംസി ആശുപത്രിയിലെത്തിച്ചെങ്കിലും ഫലമുണ്ടായില്ല. മഞ്ചേശ്വരം എംഎല്എ; എ.കെ.എം അഷറഫിന്റെ ഇളയുപ്പ മോനുവെന്ന അബ്ദുറഹിമാന്റെയും നഫീസയുടെയും മകനാണ് റഫീക്.
തഫ്സീറ, തസ്കീന, അഫ്സാന എന്നിവര് സഹോദരിമാരാണ്. മൃതദേഹം നാട്ടില് കൊണ്ട് പോകാനുള്ള ശ്രമം കെഎംസിസി പ്രവര്ത്തകര് നടത്തി വരുന്നുണ്ട്.
ആറ് വര്ഷത്തോളമായി സൂപ്പര് മാര്ക്കറ്റില് ജോലി ചെയ്യുന്ന റഫീക് നാട്ടില് നിന്നും 4 മാസം മുമ്ബാണ് അവധി കഴിഞ്ഞ് തിരിച്ചെത്തിയത്. ഏക മകന്റെ മരണം മാതാപിതാക്കളെയും കുടുംബക്കാരെയും നാട്ടുകാരെയും കണ്ണീരിലാഴ്ത്തിയിരിക്കുകയാണ്.
