ദോഹ: ബഹ്റൈൻ, കുവൈത്ത്, എർബിൽ എന്നിവിടങ്ങളിലേക്കുള്ള വിമാന സർവീസുകൾ താൽക്കാലികമായി നിർത്തിവയ്ക്കുന്നതായി ഖത്തർ എയർവേയ്സ് അറിയിച്ചു. മേഖലയിലെ നിലവിലെ സംഘർഷ സാഹചര്യം കണക്കിലെടുത്താണ് ഈ തീരുമാനം.
ബഹ്റൈൻ, ഇറാഖിലെ കുർദിസ്ഥാൻ മേഖലയിലെ പ്രധാന നഗരമായ എർബിൽ എന്നിവിടങ്ങളിലേക്കുള്ള സർവീസുകൾ ജൂലൈ 25 വരെയാണ് താൽക്കാലികമായി നിർത്തിവെച്ചിരിക്കുന്നത്. അതേസമയം കുവൈത്തിലേക്കുള്ള (KWI) വിമാന സർവീസുകൾ 2026 ജൂലൈ 31 വരെ നിർത്തിവെക്കുന്നതായും യാത്രക്കാർക്കായി പുറപ്പെടുവിച്ച അറിയിപ്പിൽ എയർലൈൻ വ്യക്തമാക്കി.
