ദുബായ്: സോഷ്യൽ മീഡിയ കേന്ദ്രീകരിച്ച് നടന്നുവന്ന ഓൺലൈൻ സാമ്പത്തിക തട്ടിപ്പുകൾക്കെതിരെ കർശന നടപടിയുമായി ദുബായ് പോലീസ്. ഈ വർഷത്തിന്റെ രണ്ടാം പാദത്തിൽ മാത്രം തട്ടിപ്പുകൾക്കായി ഉപയോഗിച്ച 103 വ്യാജ സോഷ്യൽ മീഡിയ അക്കൗണ്ടുകൾ പോലീസ് ബ്ലോക്ക് ചെയ്തു.
സൈബർ കുറ്റകൃത്യങ്ങളും തട്ടിപ്പുകളും തടയുന്നതിന്റെ ഭാഗമായി കൃത്രിമബുദ്ധിയും (AI) അത്യാധുനിക സാങ്കേതികവിദ്യകളും ഉപയോഗിച്ചായിരുന്നു പരിശോധന. തട്ടിപ്പുകൾക്കെതിരെ പോലീസും ആന്റി ഫ്രോഡ് സെന്ററും സംയുക്തമായി നടത്തിയ നീക്കത്തിലാണ് അക്കൗണ്ടുകൾ തിരിച്ചറിഞ്ഞ് നടപടിയെടുത്തത്.
പൊതുജനങ്ങൾ ഇത്തരം കെണികളിൽ വീഴാതിരിക്കാൻ ജാഗ്രത പാലിക്കണമെന്ന് ദുബായ് പോലീസ് മുന്നറിയിപ്പ് നൽകി. വ്യക്തിഗത വിവരങ്ങളോ ബാങ്ക് അക്കൗണ്ട്, ഒ.ടി.പി തുടങ്ങിയ confidential വിവരങ്ങളോ അപരിചിതർക്ക് കൈമാറരുതെന്നും, സംശയാസ്പദമായ അക്കൗണ്ടുകളോ സന്ദേശങ്ങളോ ശ്രദ്ധയിൽപ്പെട്ടാൽ ഉടൻ തന്നെ പോലീസിൽ വിവരമറിയിക്കണമെന്നും അധികൃതർ നിർദ്ദേശിച്ചു.
