കുവൈറ്റ് സിറ്റി: കുവൈത്തിൽ ഇ-വിസ സംവിധാനം ഔദ്യോഗികമായി നിലവിൽ വന്നു. ഇനി ടൂറിസ്റ്റ്, ഫാമിലി, ബിസിനസ്, ഔദ്യോഗിക വിസകൾ ഉൾപ്പെടെ നാല് തരം വിസകൾക്കായി എംബസി സന്ദർശിക്കാതെ തന്നെ ഓൺലൈനായി അപേക്ഷിക്കാവുന്നതാണ്. ആദ്യഘട്ടത്തിൽ, യൂറോപ്പ്, നോർത്ത് അമേരിക്ക, ഓസ്ട്രേലിയ, ജപ്പാൻ തുടങ്ങിയ 50-ത്തിലധികം രാജ്യങ്ങളിലെ പൗരന്മാർക്കും, ജിസിസി രാജ്യങ്ങളിൽ താമസിക്കുന്ന യോഗ്യരായ വിദേശികളും ഈ സംവിധാനത്തിലൂടെ അപേക്ഷിക്കാം.
യോഗ്യതക്കുള്ള നിർദ്ദേശങ്ങൾ
ജിസിസി രാജ്യങ്ങളിൽ താമസിക്കുന്നവർക്ക്, അവരുടെ റസിഡൻസി പെർമിറ്റിന് കുറഞ്ഞത് 6 മാസത്തെ കാലാവധി ബാക്കിയുണ്ടായിരിക്കണം.
അപേക്ഷിക്കുന്നവർക്ക് പ്രൊഫഷണൽ കാറ്റഗറിക്കുള്ള അംഗത്വം ഉണ്ടായിരിക്കണം — ഉദാഹരണത്തിന് ഡോക്ടർമാർ, അഭിഭാഷകർ, അധ്യാപകർ, മാധ്യമപ്രവർത്തകർ, എൻജിനീയർമാർ, മാനേജ്മെന്റ് പ്രൊഫഷണലുകൾ തുടങ്ങിയവർ.
ജിസിസി പൗരന്മാർക്ക് വിസയില്ലാതെ നാഷനൽ ഐഡി കാർഡ് ഉപയോഗിച്ച് കുവൈത്തിൽ പ്രവേശിക്കാവുന്നതാണ്.
ലഭ്യമായ വിസ തരം & കാലാവധി
വിസ തരം :കാലാവധി
ടൂറിസ്റ്റ് വിസ :90 ദിവസം
ഫാമിലി/ബിസിനസ് വിസ :30 ദിവസം
ഔദ്യോഗിക വിസ ഔദ്യോഗിക യാത്രയ്ക്കായി – കാലാവധി നിശ്ചിതമല്ല
എങ്ങനെ അപേക്ഷിക്കാം?
1. കുവൈത്തിന്റെ ഔദ്യോഗിക ഇ-വിസ പോർട്ടൽ സന്ദർശിക്കുക
2. പുതിയ അക്കൗണ്ട് രജിസ്റ്റർ ചെയ്യുക
3. ആവശ്യമായ വിസ തരം തിരഞ്ഞെടുക്കുക
4. താഴെ പറയുന്ന രേഖകൾ അപ്‌ലോഡ് ചെയ്യുക:
പാസ്പോർട്ട് (സ്കാൻ ചെയ്ത പകർപ്പ്)
അപേക്ഷകന്റെ ഫോട്ടോ (നിർദ്ദേശപ്രകാരം)
വിമാന ടിക്കറ്റ്
സ്പോൺസറിന്റെ കത്ത് / ഔദ്യോഗിക ക്ഷണപത്രം (ഫാമിലി/ബിസിനസ് വിസക്കായി)
താമസസ്ഥല വിവരങ്ങൾ
5. എല്ലാ വിവരങ്ങളും പരിശോധിച്ച് ഫീസ് ഓൺലൈനായി അടയ്ക്കുക
ഫീസ് സാധാരണയായി 10–30 USD (ഏകദേശം 825 രൂപ വരെ)
പൗരത്വം, വിസ തരം എന്നിവ അനുസരിച്ചാണ് നിരക്ക്
വിസ സ്റ്റാറ്റസ് എങ്ങനെ പരിശോധിക്കാം?
അപേക്ഷ നൽകിയതിന് ശേഷം, പാസ്പോർട്ട് നമ്പർ അല്ലെങ്കിൽ റഫറൻസ് നമ്പർ ഉപയോഗിച്ച് ഓൺലൈനായി സ്റ്റാറ്റസ് പരിശോധിക്കാം
അംഗീകരിച്ചാൽ വിസ ഇമെയിൽ വഴി ലഭിക്കും
സാധാരണയായി 3 പ്രവർത്തിദിവസങ്ങൾക്കുള്ളിൽ വിസ ലഭിക്കും
ശ്രദ്ധിക്കേണ്ട നിർദ്ദേശങ്ങൾ
എല്ലാ രേഖകളും തികച്ചും വ്യക്തമായ സ്കാൻ പകർപ്പായിരിക്കണം
ഫോട്ടോ നിർദ്ദേശിച്ച ഫോർമാറ്റിലും വലുപ്പത്തിലും ആയിരിക്കണം
യാത്രയ്ക്ക് കുറഞ്ഞത് ഒരാഴ്ച മുമ്പ് വിസയ്ക്ക് അപേക്ഷിക്കേണ്ടത് ഉചിതം
ഫാമിലി, ബിസിനസ് വിസക്കായി കുവൈത്തിലെ സ്പോൺസറുടെ വിശദാംശങ്ങൾ നൽകേണ്ടതാണ്
വിസ നിരസിക്കപ്പെട്ടാൽ, ഓൺ അറൈവൽ വിസക്ക് യോഗ്യത ഉണ്ടോ എന്ന് പരിശോധിക്കാം
