ദുബായ്: ദുബായ് എയർഷോയ്‌ക്കിടെ ഇന്ത്യയുടെ യുദ്ധ വിമാനം തകർന്നു വീണു. പ്രാദേശിക സമയം 2.10നാണ് സംഭവമുണ്ടായത്. ദുബായിലെ അല്‍ മക്തും വിമാനത്താവളത്തിലാണ് സംഭവം.
തേജസ് യുദ്ധ വിമാനത്തിന്റെ പ്രകടനത്തിനിടെ താഴേക്ക് വീണ് പൊട്ടിത്തെറിക്കുകയായിരുന്നു. പറന്നുയർന്ന് നിമിഷങ്ങൾക്കകമാണ് നിയന്ത്രണം വിട്ട വിമാനം താഴേക്ക് വീണ് പൊട്ടിത്തെറിച്ചത്. അപകടം സ്ഥിരീകരിച്ച വ്യോമസേന പൈലറ്റ് വീരമൃത്യു വരിച്ചതായും സ്ഥിരീകരിച്ചു.
ഇന്ത്യ നിർമ്മിച്ച വിവിധോദ്ദേശ യുദ്ധ വിമാനമാണ് തേജസ്. എയറോനോട്ടിക്കല്‍ ഡെവലപ്‌മെന്റ് ഏജൻസി രൂപകല്‍പന ചെയ്‌ത് ഹിന്ദുസ്ഥാൻ എയറോനോട്ടിക്‌സ് ലിമിറ്റഡാണ് തേജസ് നിർമ്മിച്ചത്.
ലൈറ്റ് കോംബാക്‌ട് എയർക്രാഫ്‌റ്റായ ഈ വിമാനത്തിന് മുൻ പ്രധാനമന്ത്രി എ ബി വാജ്‌പേയാണ് തേജസ് എന്ന പേര് നല്‍കിയത്. അപകടത്തെ തുടർന്ന് ദുബായ് എയർഷോ നിർത്തി വച്ചു.
