കുവൈത്ത് സിറ്റി: കുവൈത്തില് നവജാത ശിശുക്കള്ക്ക് സിവില് ഐഡി നല്കുന്നതിനുള്ള സമയ പരിധി നീട്ടി. മാതാപിതാക്കള്ക്ക് ജനനത്തീയതി മുതല് 120 ദിവസം വരെ പ്രക്രിയ പൂർത്തിയാക്കാൻ അനുവദിക്കുന്നു.
സിവില് ഇൻഫർമേഷൻ സിസ്റ്റത്തിലെ രജിസ്ട്രേഷൻ സമയ പരിധിയുമായി ബന്ധപ്പെട്ട പ്രമേയം നമ്പർ (89/2) ഭേദഗതി ചെയ്തുകൊണ്ട് 2026 ലെ മന്ത്രിതല പ്രമേയം നമ്പർ (2026/1) ഒന്നാം ഉപപ്രധാന മന്ത്രിയും ആഭ്യന്തര മന്ത്രിയുമായ ശൈഖ് ഫഹദ് അല്-യൂസഫ് പുറപ്പെടുവിച്ചു.
പുതുക്കിയ വ്യവസ്ഥ പ്രകാരം, ജനനത്തീയതി മുതല് 120 ദിവസം വരെ മാതാപിതാക്കള്ക്ക് കുവൈത്തില് ജനിക്കുന്ന ഒരു കുട്ടിയെ സിവില് ഇൻഫർമേഷൻ സിസ്റ്റത്തില് രജിസ്റ്റർ ചെയ്യാനും സിവില് ഐഡി നേടാനും അനുവാദമുണ്ട്.
കുടുംബങ്ങള്ക്കുള്ള ഭരണപരമായ നടപടി ക്രമങ്ങള് ലഘൂകരിക്കാനും നവജാതശിശു രജിസ്ട്രേഷൻ നടപടി ക്രമങ്ങള് പൂർത്തിയാക്കുന്നത് കൂടുതല് എളുപ്പമാക്കാനും ഇത് ലക്ഷ്യമാക്കുന്നു.
